Akit pillugit kisitsisit 1. januaari 2015

Ukiup affaa kingulleq, januaari 2015-imiit juuli 2015-imut atuisunut akit ukiup suliani qaffariaat assigalugu 0,5 pct.-imik qaffapput. Ukiup siuliani piffimi pineqartumi naleqqersuut aamma 0,5 pct.-imik qaffappoq.

Ataani titartakkami takuneqarsinnaapput akit nikerarnerat juulimi 2011-miit juulimi 2015-imut.

 

Titartagaq 1. Juulimi 2011-miit juulimi 2015-imut atuisunut akit ukiup affakkaarlugu procentinngorlugu nikittarnerat

Najoqqutaq: http://bank.stat.gl/PRNPRISV Indeks (2008=100)

 

Atuisunut akit ukiumut ineriartortarnerat

Juulimi 2014-imiit juulimut 2015-imut atuisunut akit 1,4 pct.-imik qaffassimapput. Titartakkami 2-mi qaammatini aqqaneq marlunni atuisunut akit procentinngorlugu qaffattarneri takuneqarsinnaapput.

 

Titartagaq 2. Qaammatini aqqaneq marlunni atuisunut akit procentinngorlugu qaffattarneri

Najoqqutaq: http://bank.stat.gl/PRNPRISV Indeks (2008=100)

 

Inuussutissanut imeruersaatinullu aalakoornartortaqanngitsunut atuisunut akit naleqqersuutaat titartakkami 3-mi takutinneqarpoq, 2010-mi naleqqersuutip assigaa 100. Takuneqarsinnaavoq, Kalaallit Nunaanni ineriar-torneq Danmarkimi atuisunut akit ineriartornerat qanillugu inissisimasoq, kisianni juuli 2013-imiit inuussutissanut imeruersaatinullu aalakoornartortaqanngitsunut akit Danmarkimit akiinit qaffasinnerulersimapput. Januaarimi 2015-imiit akit assigiinnerusumik ineriartulersimapput.

Islandimi Savalimmiunilu atuisunut akitpiffissami pineqartumi allaannerungaatiartumik ineriartorsimapput.

 

Titartagaq 3. 2010-miit 2015-imut Kalaallit Nunaanni, Danmarkimi Savalimmiuni Islandimilu inuussutissanut imeruersaatinullu aalakorrnartortaqanngitsunut atuisunut akit naleqqersuutaat

Najoqqutaq: http://bank.stat.gl/PRNPRISVIndeks (2008=100), Danmarks Statistik PRIS6: Atuisunut akit naleqqersuutaat (2000=100) nioqqutissanut eqimasunut ataasiakkaanullu. Savalimmiut kisitsisit atorlugit nalunaarsuutaat Atuisut akiisa kisitsisaat, nioqqutissanut eqimasunut kvartalenullu, Brúkaraprístalið, skift á høvuðsbólkar og ársfj. 1.ársfj. 2001=100 (2001-2014)